(29.06.2010) Frå juni 2010 kan frivillige organisasjonar melde tilknytingar til einingar i Frivilligregisteret (FV). Det vil seie at ein frivillig organisasjon kan registrere dei organisatoriske samanhengane ei eining har til andre lokalledd, regionalledd eller sentralledd.
Ifølgje Frivillighetsregisterlova § 6 skal opplysningar om tilknyting mellom einingar (relasjonelle forhold) bli registrerte i FV. Vidare går det fram av § 4 b. i forskrift til lov om register for frivillig verksemd at med tilknyting til ei gruppe einingar meiner ein kontakttilhøve mellom sentralledd og anna registreringseining. Anna registreringseining kan vere regionalledd og lokalledd.
1. Kort om tilknytingar mellom einingar i Frivilligregisteret
For å synleggjere tilknytingar mellom einingar som er registrerte i FV, må sentralledd no melde opplysningar om dette til FV Det skal meldes tilknytninger mellom sentralledd, regionalledd og lokalledd.
Figuren viser eksempel på tilknytingar mellom einingar i ein organisasjon.
2. Tidspunkt for innmelding av tilknytingar mellom einingar til Frivilligregisteret
Alle einingar det blir meldt inn tilknytingar for må vere registrerte i FV Sentralleddet vil finne informasjon om kva einingar som er registrert i FV ved å nytte søkjefunksjonen. Brønnøysundregistra tilrår at sentralledda melder inn tilknytingar mellom einingar samla så raskt som mogeleg, slik at tilknytingar mellom einingar blir gjorde synlege i FV.
3. Korleis melde inn tilknytingar mellom einingar til Frivilligregisteret
Nedanfor finn du overordna informasjon om innmelding av tilknytingar. Sjå rettleiing for meir detaljert informasjon om innmelding av tilknytingar. 3.1. Kven kan melde inn tilknytingar Berre sentralledd kan melde inn tilknytingar mellom einingar. Dette blir gjort ved at sentralleddet med e-post sender inn ei fil med opplysningar til Brønnøysundregistra. Meldingsberettiga person(ar) registrert i Einingsregisteret (kontaktperson, dagleg leiar eller forretningsførar) må sende e-posten.
3.2. Førstegongsregistrering
Når alle einingar det skal meldast inn tilknytingar for er registrerte i FV, kan fil med tilknytingar bli sendt til Brønnøysundregistra for førstegongsregistrering.
3.3. Utmeldingar lokalledd
Lokalledda kan sjølv melde fjerning av tilknytingar ved å sende brev til FV Lokalledd, regionalledd og sentralledd vil bli orienterte om utmeldinga.
4. Informasjon om tilknytingar
Lokalledd vil få tilsendt brev om registreringa av tilknytingar til sentralledd og eventuelt regionalledd, og registerutskrift frå FV. Sentralledd og regionalledd vil få orientering om registrerte tilknytingar mellom einingar. Sentralledd blir også gjort merksam på eventuelle forhold som må korrigerast/ blir følgt opp.
Søkjefunksjonen for Frivilligregisteret inneheld opplysningar om registrerte tilknytingar for registrerte einingar.
5. Rettleiing og meir informasjon om tilknytingar
Rettleiing for innmelding av tilknytingar.
Dersom du har spørsmål som gjelda samla registrering av tilknytingar mellom einingar i Frivilligregisteret, kan du kontakte Brønnøysundregistra på telefon 75 00 75 00.
Her finn du meir informasjon om Frivilligregisteret
Frivilligregisteret (FV)
Frivilligregisteret (FV) opna i desember 2008. Per 29. juni 2010 var 18 781 einingar registrerte i FV. FV skal betre og gjere enklare samhandlinga mellom frivillige organisasjonar og offentlege myndigheiter.
|
