(14.12.2009) Kunngjeringar på brreg.no gir deg tilgang til opplysningar frå fleire av dei sentrale registra våre. Sidan hausten 1999 har Brønnøysundregistra offentleggjort 4 374 400 kunngjeringar. Når vi har registrert nye opplysningar, blir dei straks tilgjengelege for deg på nettsida vår.
Det er spesielt næringsdrivande som bruker desse tenestene. For dei er det viktig å vere oppdaterte på for eksempel endringar og eventuelle konkursar hos kundar og andre samarbeidspartar. Vi har plikt til å kunngjere eit minimum av opplysningar. For å gje best mogleg service har vi valt å kunngjere dei fleste opplysningane vi har i registra våre.
Abonnement på kunngjeringar
Vi har oppretta ei abonnementsordning for at det skal vere enkelt for deg å halde oversikt over kva som skjer hos kontaktane dine. Du vel sjølv kva geografisk område og kva type kunngjeringar du ønskjer å få oversikt over. Opplysningane kan du få tilsendt på e-post, dagleg eller ein gong i veka. Kunngjeringane er også tilgjengelege ved manuelle søk.
|
