(10.09.2009) På bakgrunn av erfaring frå tidlegare år ventar Føretaksregisteret også i år at mange vil sende inn meldingar som dei ønskjer registrerte før årsskiftet. For at registrering skal kunne gjerast innan utgangen av året, bør innsendarane vere klar over ein del føresetnader:
• Fusjon, fisjon, kapitalnedsetjing1 og avvikling
Melding om vedtak av fisjon, fusjon, kapitalnedsetjing (gjeld nedsetjing av aksjekapital, overkursfond, utdeling av utbytte, konsernbidrag ) og avvikling må vere Føretaksregisteret i hende innan 25.september 2009.
Gjennomføringsmelding kan vere datert tidlegast dagen etter kreditorfristen er gått ut. Meldinga bør sendast til Føretaksregisteret snarast etter dette. Gjennomføringsmelding som er Føretaksregisteret i hende etter 12. desember 2009 kan vere vanskeleg å få registrert innan utgangen av året.
• Andre meldingar
Andre typar registermeldingar klarer Føretaksregisteret normalt å behandle innan utgangen av året dersom dei er mottekne før 30.november. Meldingar som kjem inn etter denne datoen kan vere vanskeleg å få registrert innan utgangen av året.
– Vi minner om at meldingsblanketten må vere korrekt utfylt og at dei nødvendige vedlegga også må vere korrekte. Feil i utfylt melding og ukorrekte/manglande vedlegg vil gi unødig meirarbeid og forseinkingar i registreringsarbeidet, seier underdirektør Øyvind Vågan ved Føretaksregisteret.
Hugs at revisorerklæring må vere i original og at den som har signaturrett må signere meldinga.
Raskare registrering på Internett
Gjennom tenesta for elektronisk registrering kan du registrere nye einingar og føretak i Einingsregisteret og Føretaksregisteret. Du kan også melde endringar og nye opplysningar om noverande einingar eller melde frå om oppløysing og sletting.
Det er mange fordelar ved elektronisk registrering: Utfyllinga er enklare og det er lett å oppdage feil undervegs. Du leverer registermeldinga når det passar deg, og saksbehandlingstida blir kortare.
• Om elektronisk registrering
• Altinn
Elektronisk registrering gjeld førebels for desse organisasjonsformene:
• Allmennaksjeselskap
• Aksjeselskap
• Ansvarleg selskap
• Ansvarleg selskap med delt ansvar
• Partrederi
• Enkeltpersonføretak
• Foreining/lag/innretning
• Konkursbu
Andre begrensningar i løysinga
|
