(14.05.2009) No kan du melde endringar, oppløysing og sletting for fleire organisasjonsformer enn det som har vore mogeleg tidlegare.
Nyleg lanserte Brønnøysundregistra ei utviding av samordna registermelding for elektronisk innrapportering til Einingsregisteret, Føretaksregisteret og Frivilligregisteret.
For desse organisasjonsformene kan du no sende inn endringar elektronisk:
- Burettslag
- Stifting
- Annan juridisk person
- Selskap med avgrensa ansvar
- Eigarseksjonssameige
- Tingsrettsleg sameige
- Norskregistrert utanlandsk føretak
– Dette gir fleire alternativ og fordelar for brukarane våre, seier prosjektleiar Peggy Granås.
Samanlikna med papirblankettar er utfyllinga enklare. Det elektroniske skjemaet tilpassar seg dei opplysningane du ønskjer å rapportere inn.
Forklarande hjelpetekstar støttar deg undervegs i utfyllinga. Det elektroniske skjemaet har også ein kontrollfunksjon som gjer det lettare å oppdage feil eller manglar ved utfyllinga.
Ein stor fordel for kunden er at saksbehandlingstida for meldingar som blir sende inn elektronisk er kortare enn ved innsending på papir. I tillegg er det lågare gebyr for somme typar elektroniske registreringar i Føretaksregisteret.
Elektronisk registrering til Brønnøysundregistra er open heile døgnet, så du kan levere registermeldinga akkurat når det passar deg.
Meir om elektronisk registrering:
- ny eining
- endringar
- sletting
- rettleiing
- altinn
|
