(16.05.2008) Styringsgruppa for Altinn II er tilfreds med at Brønnøysundregistra får løyvd 36,5 millionar kronar ekstra til å gå vidare med den nye Altinn II-løysinga.
Auken i løyvinga til Brønnøysundregistra, øyremerkte til Altinn II, går fram av forslaget til revidert statsbudsjett, som blei lagt fram torsdag.
- Den auka løyvinga frå 77,2 millionar kroner til 113,7 millionar kroner set oss i stand til å få på plass dei nødvendige kontraktane for ei ny Altinn II-løysing, seier direktør Erik Fossum ved Brønnøysundregistra, som er leiar av styringsgruppa for Altinn II.
Dagens kontrakt på Altinn-løysinga går ut hausten 2008.
Endeleg vedtak om vidareutvikling av Altinn-løysinga vil fyrst bli fatta når forhandlingane er sluttførde, truleg i løpet av juni, ifølgje revidert Stortingsproposisjon nr. 59 (2007-2008), «Tilleggsbevilgningar og omprioriteringar i statsbudsjettet 2008».
Les meir om løyvinga til Altinn II, og næringsministeren sine kommentarar hos Nærings- og handelsdepartementet.
Altinn II - framtidas Altinn
Prosjektet for vidareutviklinga av Altinn under prosjektnamnet «Altinn II» blei etablert i 2006, på bakgrunn av at avtaleverket med noverande leverandør er i ferd med å opphøyre. Arbeidet i prosjektet er i full gang, og i desse dagar blir evaluert tilbod på nye avtalar for drift, applikasjonsforvaltning og vidareutvikling av Altinn-løysinga. Kontraktar blir tildelte i løpet av juni, og fyrste versjon av framtidas Altinn skal på lufta hausten 2009.
Les meir om bakgrunnen, målsetjingane og framdrifta for prosjektet.
|
