(14.02.2003) Endringar i kommunelova gjer det nødvendig
for ein del kommunale og fylkeskommunale føretak å
omorganisere seg. Brønnøysundregistra sitt kurs
i registrering av kommunale selskap og føretak har
vore til nytte for mange i denne prosessen.
 |
|
Espen Trædal er jurist ved Brønnøysundregistra.
Han har hjelpt mange med smertefri tilpassing til ny
kommunelovgiving.
|
Kommunale og fylkeskommunale verksemder som var organiserte
som kommunale bedrifter med eige styre etter kommunelova §
11 då lova blei endra, må innan 31. desember 2003
vere omorganiserte til kommunale eller fylkeskommunale føretak
etter kapittel 11 i kommunelova. Dersom ikkje, vil styret
bli rekna som eit fast utval. Det vil resultere i at dei tilsette
sine representantar i styret fell ut. Skal slike verksemder
drive meir som ei bedrift, tilrår ein å omorganisere.
Må omorganisere før 2004
Interkommunale selskap kan også gjere lurt i å
omorganisere seg som følgje av lovendringar. Eit interkommunalt
selskap med uavgrensa ansvar som då lov om interkommunale
selskap blei sett i kraft (01.01.2000) var organisert etter
selskapslova, må innan fire år (31.12.2003) vere
organisert som interkommunalt selskap etter lov om interkommunale
selskap. Det same gjeld for interkommunalt selskap som før
lova blei sett i kraft var stifta med eige styre etter kommunelova
§ 27 og som er eit eige rettsubjekt.
Eit interkommunalt selskap med avgrensa ansvar som då
lova blei sett i kraft (01.01.2000) ikkje var organisert som
aksjeselskap, må innan fire år (31.12.2003) vere
organisert som aksjeselskap eller som interkommunalt selskap.
I slike omorganiseringsprosessar vil ein ha stor nytte av
lærdommen frå Brønnøysundregistra
sitt kurs.
Går gjennom registreringsprosessen
- Kurset tek for seg dei generelle krava, krav til registreringa
og opplysningar som blir registrerte. Ein gjennomgang av registreringsskjemaet
med praktiske eksempel og gode råd gjer registreringsprosessen
enklare, sikrare og framfor alt raskare. Feil og manglar i
utfyllinga fører til retur av registermeldinga, og
det gir ofte nye rundar i kommunale organ og lengre ventetid
på ny behandling, seier foredragshaldaren, jurist Espen
Trædal ved Brønnøysundregistra. Han har
halde fleire kurs, både bedriftsinternt og som felleskurs.
Lærer å "bruke" Brønnøysund
- Kurset i registrering av kommunale selskap og føretak
har vist seg å vere ein god reiskap for kommunar og
fylkeskommunar, både ved nyregistrering og ved endring
av føretakstype. Også kommunale rettleiarar for
etablerarar vil ha mykje å hente her, seier Espen Trædal.
På kurset lærer du også korleis du effektivt
kan hente ut og setje saman føretaksinformasjon frå
Brønnøysundregistra.
Les kursbeskrivinga
Les om heile kurstilbodet
|
