 |
|
Under haustkurset i registrering av føretak
ved Brønnøysundregistra vil vi også
presentere den kommande løysinga for elektronisk
registrering. Det seier leiaren for rådgjevarstaben
i næringsavdelinga, Sverre Hovland, og kursansvarleg
Signar Slåttøy.
|
(14.08.2002) Den siste tilveksten til Brønnøysundregistra
sin kursmeny er «Registrering av føretak, tinglysing
av hefte og økonomisikring». I september blir
dette kurset arrangert over to dagar, inkludert siste nytt
om elektronisk innsending av registermeldinga.
Brønnøysundregistra sitt kurssenter har ein
rikhaldig kursmeny som dekkjer aktuelle tema for ei rekkje
brukargrupper. Kurset i registrering av føretak har
vist seg å vere eit veldig populært tilbod med
stor nytteverdi. Men det går også an å bestille
spesiallaga kurs for eigen bransje eller bedrift. Kursansvarleg
Signar Slåttøy og staben hans har sett opp kursmenyen
for hausten ut frå tidlegare erfaringar med kurstypar
og lokalisering. Kurssenteret nyttar nokre av Brønnøysundregistra
sine mest erfarne fagfolk som førelesarar.
Eit breitt tilbod
I haust blir det halde kurs i registrering av føretak
i Oslo, Bergen, Trondheim og Tromsø. Kurset har tre
trinn som delvis byggjer på kvarandre. Trinn 3 blir
berre avvikla i Oslo. I tillegg blir det i Brønnøysund
arrangert eit kurs over to dagar i registrering av føretak,
tinglysing av hefte og økonomisikring, mens Svensk
aksjeselskapsrett er tema for eit kurs i Oslo. Dessutan er
det mogeleg å bestille skreddarsydde kurs ut frå
eigne behov.
Lydhøre kursdesignarar
Erfaringar frå tidlegare kurs dannar grunnlaget for
endringar og påfyll.
– Vi lyttar til kursdeltakarane og prøver å
gi eit best mogeleg tilbod ut frå deira signal, seier
Signar Slåttøy. – Derfor er det viktig å
ha ei skikkeleg evaluering etter kvart kurs, legg han til.
Fornøgd deltakar
Geir H. Knutsen er prosjektleiar i Regionalt etablerings-
og nyskapingssenter (RENN), som dekkjer åtte kommunar
på Nordmøre. Han er dermed ein viktig støttespelar
for etablerarar i distriktet sitt. I fjor haust var han ein
av deltakarane på kurset «Føretaksregistrering,
tinglysing av hefte og økonomisikring» i Brønnøysund.
 |
|
Som regional fødselshjelpar for etablerarar
på Nordmøre har Geir H. Knutsen frå
Kristiansund funne eit kurs som er midt i blinken for
rettleiarar på dette feltet. Han meiner Brønnøysundregistra
sitt kurssenter har eit stort potensial i denne brukargruppa.
|
Bruker sjølv registra
Knutsen var frå før ein flittig brukar av Brønnøysundfaksen,
blant anna for å hente ut informasjon om føretak
og årsrekneskap som han treng i førebuinga av
finansieringssøknader til Statens nærings- og
distriktsutviklingsfond og kommunale næringsfond.
Nyttig for rettleiarar
– Eg tenkte umiddelbart på alle tiltaksarbeidarane
rundt om i kommunane, og ønskte at dei skulle hatt
høvet til å følgje eit slikt kurs. Det
same gjeld alle som driv rettleiing/rådgjeving til etablerarar,
seier Knutsen.
Utømmeleg kjelde
– På kurset fekk eg mykje nyttig informasjon og
ikkje minst blei aktuelle problemstillingar i det daglege
arbeidet mitt klargjorde. Det er fint at Brønnøysundregistra
gjennom kurstilbodet sitt kan formidle det mangfaldet av tenester
som eg trur er ukjent for tiltaks- og verkemiddelapparatet.
Kurset held høg standard – noko som blir stadfesta
ved at det blant anna er godkjent som del av etterutdanninga
for rekneskapsførarar. At ein bruker fleire foredragshaldarar
som er spesialistar på fagfelta sine hjelper også
til å heve kvaliteten, avsluttar Geir H. Knutsen
Meir
om kurs
|
