 |
Brønnøysundregistra ligg i Brønnøy
kommune. Brønnøysund er regionsenteret for Sør-Helgeland
som består av kommunane Bindal, Brønnøy,
Sømna, Vega og Vevelstad.
Brønnøy er ein naturfager kommune, geografisk
plassert midt i Noreg. Naturen kan skildrast som eit Noreg
i miniatyr: Høgfjell og djupe fjordar, fiskerike elvar
og vatn, ein vakker kyst og ein skjergard med tusenvis av
øyar, holmar og skjær. Brønnøy
kommune er eit eldorado for båtfolket, her er du nærmast
nøydd til å ha tilgang til båt. Fisken
bit villig, og sjøen er viktig både for næring,
ferie og rekreasjon.
Torghatten er den største turistattraksjonen i kommunen.
Fjellet er 260 m. høgt med eit 160 meter langt, 35
meter høgt og 15-20 meter breitt hol tvers gjennom
fjellet, grave ut av isen og havet for tusenar av år
sidan.
Ein annan turistattraksjon er «Steinar Breiflabb»
- ein svær steinskulptur midt i Brønnøysundet,
Brønnøy kommune sitt tilskot til Skulpturlandskap
Nordland.
|
|
