Vedleggskrav

Følgjande vedlegg skal sendast saman med registreringsmeldinga:

• Ei erklæring frå 5000 personar med stemmerett ved stortingsval om at dei ønskjer partinamnet registrert. Den som sender inn ei erklæring, må ha nådd stemmerettsalderen innan utløpet av det kalenderåret søknaden blir sendt. Dersom søknaden blir sendt mindre enn eitt år før eit val, er det tilstrekkeleg at stemmerettsalderen er nådd innan utløpet av valåret. I erklæringa skal namnet, fødselsdatoen og adressa til den som har sendt den gå fram. Erklæringa skal vere eigenhendig underskriven og datert av innsendaren. Inga erklæring skal vere meir enn eitt år eldre enn søknaden.
• Stiftingsdokument
• Eit ajourført eksemplar av partiet sine vedtekter. Av vedtektene skal det blant anna gå fram kva som skal vere partiet sitt namn, og kva organ som kan velje partiet sitt utøvande organ.
• Protokoll(ar) som viser val av styre, jf. einingsregisterlova § 8. Dersom medlemene av styret er valde i forskjellige møte, må protokollar som viser alle vala vere vedlagde. Etter einingsregisterlova er styret det organet som er partiet sitt høgste organ mellom årsmøta. Partiet sitt styre etter einingsregisterlova og partiet sitt utøvande organ etter partilova må ikkje nødvendigvis vere det same.
• Opplysningar om partiet sitt utøvande organ skal gjevast i eige vedlegg til meldinga:
  o Dersom partiet sitt styre etter einingsregisterlova også skal ha fullmakt som partiet sitt utøvande organ etter partilova, må det gjevast eintydig opplysning om dette i eit eige vedlegg.
  o Dersom partiet sitt utøvande organ skal ha ei anna samansetjing enn partiet sitt styre etter einingsregisterlova, skal full opplysning om samansetjinga av partiet sitt utøvande organ leggjast ved i eige vedlegg. Her skal namna til medlemene, fødselsnummer (11 siffer) og adresse meldast. Dersom partiet sitt utøvande organ består av medlemer med forskjellige roller (for eksempel leiar, medlem, varamedlem) skal rolla også til det enkelte medlemmet meldast.
  o Protokoll som viser val av partiet sitt utøvande organ etter partilova. Dersom medlemene av hovudstyret er valde i forskjellige møte, eller av forskjellige organ, må det vedleggjast protokollar/annan dokumentasjon som viser alle vala.

Dersom vedlegg ligg føre i kopi eller utskrift, skal kopiane vere stadfesta, jf. forskrift av 9. februar 1995 om registrering av juridiske personar m.m. i Einingsregisteret § 16.

Spørsmål om krav til vedlegg kan rettast til Opplysningstelefonen på telefonnummer 75 00 75 00.